बुधवार रिपोर्टस क्लब नेपालले आयोजना गरेको साक्षात्कारमा ज्ञवालीले साझा नीति तथा कार्यक्रम, सरकार सञ्चालन र शक्ति बाँडफाँडलाई प्याकेजमै सहमति गरेर अगाडि बढ्नु पर्ने वताउनुभयो । उहाँले धेरै भन्दा धेरै दल सहभागी सरकार बनाउनु पर्ने पक्षमा एमाले रहेको स्पष्ट पार्नु भयो । उहाँले दलहरु नमिलेसम्म जनताको अपेक्षा पुरा हुन वताउँदै उहाँले सवै दल एक भएर मुलुकलाई समृद्धिको बाटोतर्फ लैजानु पर्नेमा जोड दिनुभयो ।

उहाँले सरकार निर्माण पनि संविधान निर्माणलाई सहज बनाउने गरी गर्नु पर्नेमा जोड दिनुभयो । ज्ञवालीले संविधान निर्माण पूर्ण सहमतिबाट हुन नसक्ने भएकोले सहमतिबाट हुन नसके प्रक्रियाबाट गएर टुङग्याउनु पर्ने वताउनुभयो । प्रक्रियाबाट पनि नटुङगिए जनमतसंग्रहबाट विवादको निरुपण गर्नु पर्ने ज्ञवालीको भनाई थियो ।