धुर्मुस उर्फ सीताराम कट्टेल बहुप्रतिभाशाली कलाकार हुन्। उनले कलाक्षेत्रमा सक्रिय भएर नाम र दाम दुवै कमाएका छन्। वरिष्ठ हास्यकलाकार हरिवंश आचार्यपछि धेरै चरित्रमा राम्रो अभिनय गर्ने कलाकार मानिन्छन्। धुर्मुसे, आइते, खडानन्द बाजे, केपी शर्मा ओली, मुस्कान पासा, खड्काजीजस्ता २७ वटा चरित्रमा सफल अभिनय देखाइसकेका सीताराम एउटा कुरामा भने असफल छन्। त्यो हो, उनको आफ्नै ग्यास्टि्रक। हास्यव्यंग्य विधामा आफूलाई अब्बल बनाए पनि आफ्नै ग्याष्ट्रिकले भने आफूलाई पछारेको तर्क सीतारामको छ। नेपालका नाम कहलिएका डेढ दर्जनभन्दा बढी एलोप्याथिक एवं आयुर्वेदिक चिकित्सक एवं सबै स्थानका धामी-झाँक्री, ज्योतिष, महात्मा, बाबा, तान्त्रिककहाँ पुगे पनि उनको ग्यास्टि्रक निको भएन। चरित्रमा डुबेर अभिनय गर्दा ग्यास्टि्रक बढ्ने क्रम अझ तीव्र भएपछि उनी असाध्यै तनावमा छन्। धुर्मुस भन्दै थिए— ग्यास्टि्रक निको पारिदिनेलाई उपचार खर्चबाहेक ५० हजार रुपैयाँ राखेर ढोग्ने थिएँ। उक्लँदैछन् युवराज कुनै बेला चलचित्र 'रहर' को 'टुंगनाको धुनमा...' गीत रिमेक गरेर श्रोताको मन जितेका गायक युवराज चौलागाईं यतिबेला नेपाली चलचित्रमा आशालाग्दा पाश्र्व गायकका रूपमा उदाएका छन्। 'साँझ पख...' तथा 'लैजा चरी मेरो सन्देश...' गीत लोकप्रिय भएपछि उनको स्वरले चलचित्रका संगीतकारलाई समेत प्रभावित तुल्यायो। अर्जुन पोखरेलद्वारा संगीतबद्ध चलचित्र 'दिलमाया' बाट पाश्र्व गायन थालेका युवराजले त्यसपछि 'सम्झिराख है', 'थि्र लभर्स' तथा 'सेफ ल्यान्डिङ' चलचित्रका गीत गाए। आर्यन सिग्देलको चलचित्र 'नोभेम्बर रेन' को युवराजको स्वरमा रेकर्ड भएको 'तिमीलाई...' गीत लोकप्रिय भैसकेको छ भने चलचित्र 'छ एकान छ' को शीर्षक गीतबाट पनि उनले राम्रो प्रशंसा पाएका छन्। 'छ एकान छ' मा युवराजले गायिका निशा देशारसँग एउटा युगल गीतसमेत गाएका छन्। 'नोभेम्बर रेन' तथा 'छ एकान छ' पछि युवराजले यो वर्ष पाश्र्व गायन गरेका अन्य चलचित्र हुन्— 'जनैको साँचो' तथा 'अधकट्टी'। दर्शक झुक्किने मेलो चलचित्रको शीर्षकले दर्शकलाई झुक्याउने सम्भावना बढेपछि चलचित्रका निर्माताहरू अहिले चिन्तामा छन्। प्रसंग प्रदर्शनको तयारीमा रहेका तीन चलचित्रको हो। झट्ट सुन्दा उस्तै लाग्ने ती चलचित्र हुन्— 'झोला', 'झोले' तथा 'झेली'। यदि यी तीनवटै चलचित्र एकै दिन प्रदर्शन भए भने दर्शकहरू झुक्किने सम्भावना शतप्रतिशत छ। विशेष प्रदर्शनीमार्फत राम्रो प्रतिक्रिया पाएको यादव भट्टराई निर्देशित 'झोला' ले प्रदर्शन हुने मिति तोकेको छैन तर 'झोले' र 'झेली' भने एकै दिन प्रदर्शन हुने निश्चित भैसकेको छ। दीपेन्द्र के खनालको 'झोले' तथा कमल दाहालको 'झेली' फागुन ९ गते प्रदर्शनमा आउँदैछन्। यही मितिमा चलचित्र 'झोला' पनि प्रदर्शन भयो भने दर्शकले कुनचाहिँ चलचित्र हेर्ने हुन्, यसै भन्न सकिँदैन। पानी बाराबार एउटै चलचित्रका दुई नायिका छायांकनकै क्रमदेखि बोल्न छोडे भनें चलचित्र युनिटलाई कति असहज हुन्छ भन्ने कुरा आजदेखि प्रदर्शनमा आउने चलचित्र 'त्रास' को टिमलाई थाहा छ। कमेडी, थि्रलर र रोमान्समा आधारित यो चलचित्रका नायिका हुन्- अनु शाह र रिया श्रेष्ठ। छायांकन सुरु भएपछि यी दुई नायिका आपसमा बोल्न छोडे, यतिसम्म कि उनीहरू साथ रहन नसक्ने अवस्थासम्म पुगे। नायिकाहरूको द्वन्द्व खोतल्न थाल्दा काममा अवरोध आउने डरले निर्देशक प्रकाश ओझा पनि मौन रहे। दुवै नायिकालाई फरक-फरक सेड्युअलमा राखेर काम सम्पन्न गरियो। नायिकाहरूसँग निर्देशक ओझाले अलग-अलग रूपमा चलचित्रसम्बन्धी कुराकानी गर्नुपर्यो। 'उनीहरूबीच किन हो, तालमेल नै मिलेन, एक-अर्कासँग मिलेर काम गर्न नसक्ने कुरा मात्र आए,' निर्देशक ओझाले भने- 'सम्भवतः अहिलेसम्म उनीहरू बोलेका छैनन्, उनीहरूको केमेस्ट्री नै मिलेन।'
जलेश्वर टुडे
धुर्मुस उर्फ सीताराम कट्टेल बहुप्रतिभाशाली कलाकार हुन्। उनले कलाक्षेत्रमा सक्रिय भएर नाम र दाम दुवै कमाएका छन्। वरिष्ठ हास्यकलाकार हरिवंश आचार्यपछि धेरै चरित्रमा राम्रो अभिनय गर्ने कलाकार मानिन्छन्। धुर्मुसे, आइते, खडानन्द बाजे, केपी शर्मा ओली, मुस्कान पासा, खड्काजीजस्ता २७ वटा चरित्रमा सफल अभिनय देखाइसकेका सीताराम एउटा कुरामा भने असफल छन्। त्यो हो, उनको आफ्नै ग्यास्टि्रक। हास्यव्यंग्य विधामा आफूलाई अब्बल बनाए पनि आफ्नै ग्याष्ट्रिकले भने आफूलाई पछारेको तर्क सीतारामको छ। नेपालका नाम कहलिएका डेढ दर्जनभन्दा बढी एलोप्याथिक एवं आयुर्वेदिक चिकित्सक एवं सबै स्थानका धामी-झाँक्री, ज्योतिष, महात्मा, बाबा, तान्त्रिककहाँ पुगे पनि उनको ग्यास्टि्रक निको भएन। चरित्रमा डुबेर अभिनय गर्दा ग्यास्टि्रक बढ्ने क्रम अझ तीव्र भएपछि उनी असाध्यै तनावमा छन्। धुर्मुस भन्दै थिए— ग्यास्टि्रक निको पारिदिनेलाई उपचार खर्चबाहेक ५० हजार रुपैयाँ राखेर ढोग्ने थिएँ। 
0 comments
Write Down Your Responses