स्वर्गीय मल्लको परिवारलाई आर्थिक सहयोग
गोविन्द ढकाल, अबुधाबी युएइ- गोरखा, गाईखुर निवासी स्वर्गीय सन्तोष मल्ल को परिवारलाई गोरखा सेवा समाज युएई क्षेत्रीय समितिले आर्थिक सहयोग उपलब्ध गराएको छ। ३२ महिना पहिले रोजगारीको सिलसिलामा युएइ को आबुधाबी ट्याक्सी ड्राइभरमा कार्यरत र बिगत ५ महिना देखि ब्लड क्यान्सरले ग्रसित मल्लको आबुधाबीस्थित खालिफा अस्पतालमा उपचारको क्रममा गत १७ डिसेम्बर २०१३ का दिन निधन भएको थियो। स्वर्गीय मल्लको बुवा, आमा, १ भाई र २ बहिनिहरु हुनुहुन्छ।
गत शुक्रबार गोरखा सेवा समाज युएई क्षेत्रीय समिति आबुधाबिको अधिबेशनमा उपस्थित सम्पूर्ण गोरखालीहरुबाट संकलन गरिएको यु ए इ दिर्हाम्स ५४५ गोरखा सेवा समाज युएई क्षेत्रीय समिति आबुधाबिका नवनिर्वाचित अध्यक्ष लिलाजंग रोकाले स्वर्गीय मल्लका भाई आनन्द मल्ल लाई हस्तान्तरण गर्नुभएको थियो।
0 comments
Write Down Your Responses