बर्दिवास र गौरीवासलाई खुल्ला दिसामुक्त क्ष्ोत्र घोषणा गर्न अझै दुई महिना लाग्ने

   
पुष २१ गते ÷महोत्तरीको बर्दिबास र गौरीबास गाविस आगामी फागुन १६ गतेसम्ममा खुल्ला दिशा मुक्त क्षेत्र घोषणा हुने भएका छन् । यस अघि दुबै गाविसलाई सन् २०१३ अर्थात् यहि पुस १७ गते भित्रमा खुल्ला दिशा मुक्त क्षेत्र घोषणा गर्ने भनिएको थियो । तर घोषणा अनुसार काम नहुँदा निर्धारित समयमा दुबै गाविस खुल्ला दिशा मुक्त क्षेत्र घोषणा हुन सकेनन् । दुबै गाविसमा गठित गाबिस स्तरिय खानेपानी सरसफाई तथा स्वच्छता समन्वय समितिको आग्रहमा रेडक्रस सोसाइटीले खुल्ला दिशा मुक्त क्षेत्र घोषणा गर्ने अबधि दुई महिना थप गरेको हो । खुल्ला दिशा मुक्त क्षेत्र घोषणा गर्नलाई सम्बन्धित गाविसका सबै घरमा शौचालय निर्माण भएको हुनु पर्ने प्राबधान छ । निर्धारित समयमा सबै घरमा शौचालय निर्माण नभएकाले सन् २०१३ भित्रमा    गौरीवास गाविसलाई खुल्ला दिशा मुक्त क्षेत्र घोषणा गर्न नसकिएको गौरीवास गाविसका सचिब ओम प्रकाश खड्काले बताउनु भयो । गौरीवास गाविसमा अब करिब ५० वटा घरमा मात्र शौचालय निर्माण हुन बाँकी छ ।  बर्दिवास गाविसमा भने अझै २ सय ७३ घरमा शौचालय निर्माण हुँन वाँकी        रहेको रेडक्रस सोसाईटी     महोत्तरीका सामाजिक सहजकर्ता पुरुषोत्तम प्रसाईंले जानकारी दिनुभयो । बर्दिवास गाविसको वडा नम्बर १ मा मात्रै सबै        घरमा शौचालय निर्माण भएका     छन् । बाँकी सबै वडाका केही घरमा शौचालय निर्माण हुँन बाँकी रहेको सहजकर्ता प्रसाईंको भनाई छ । बर्दिवासको वडा नम्बर २ मा २६ वटा, वडा नम्बर ३ मा ५३ वटा, ४ मा ४४ वटा, ५ मा ४० वटा, ६ मा ५३ वटा, ७ मा ८ वटा, ८ मा ५ वटा र ९ नम्बर वडामा ४४ वटा घरमा शौचालय निर्माण गर्न वाँकी छ । शौचालय निर्माण गर्न नसक्ने आर्थिक अबस्था भएका परिवारलाई    निर्माण सामग्री सहयोग           गरेर भएपनि समयमै शौचालय निर्माण गर्ने योजना गौरीवास र बर्दिवास गाविस कार्यालयले बनाएका छन् । जिल्ला रेडक्रस महोत्तरीले जिल्लाको दुई गाविस बर्दिवास र गौरीवासलाई खुल्ला दिसामुक्त क्षेत्र घोषणा गर्ने लक्ष्य लिएको थियो । कार्ययोजना अनुसार दुबै गाबिसमा काम नभएकाले घोषणा गर्न नसकिएको बताईएको छ ।
 

Labels: International