हृदयघातका कारण केही दिन अघि मलेसियामा निधन भएका तामाङ फिल्म निर्देशक सुदिप दोङको शव खर्च अभावका कारण नेपाल ल्याउन मुश्किल परेको छ ।
नेपालमा शव ल्याउन झण्डै दुइ लाख रुपियाँ आवश्यक पर्ने जनाउँदै आफन्तले सहयोगको लागि अपिल गरेका छन् । २०५७ मा 'मयुङ बुरिङ'बाट कलाकारका रुपमा चलचित्रमा प्रवेश गरेका दोङले आधा दर्जन तामाङ चलचित्र निर्देशन गरेका थिए । उनले निर्देशन गरेको 'ह्युल्ला माया' (मातृभूमिको प्रेम) चलचित्र तामाङ चलचित्र महोत्सवमा सर्वोत्कृष्ट भएको थियो ।
काभ्रे पिन्थलीका दोङको शवलाई नेपाल ल्याउन सहयोगार्थ अमेरिका लगायत विभिन्न मुलुकमा सहयोग संकलन अभियान पनि संचालन भइरहेको तामाङ सोसाइटी अफ अमेरिकाका ङिमा पाख्रिन तामाङले जनाए । सहयोग अमेरिकामा सानु तामाङ तथा मिरा तामाङलाई र मलेसियामा दोङका भिनाजु धनवहादुर तामाङलाई सिधै हस्तान्तरण गर्न सकिने पाख्रिनले जनाएको छ ।