नेपाल विद्युत प्राधिकरणले आइतबारदेखि दैनिक ३ घण्टा थपेर १२ घण्टाको दरले लोडसेडिङ गर्ने जनाएको छ । अब सातामा ८० घण्टा लोडसेडिङ हुनेछ ।

प्राधिकरणले सार्वजनिक गरेको नयाँ तालिका अनुसार सातामा ३ दिन १२ घण्टा र ४ दिन ११ घण्टाको दरले लोडसेडिङ हुनेछ । केही समय अगाडी उर्जामन्त्री उमकान्त झाले यस वर्ष दैनिक १२ घण्टाभन्दा बढी लोडसेडिङ नहुने बताउनुभएको थियो ।

तर, हिउँदको मध्यतिर लोडसेडिङको समयावधी दैनिक १२ घण्टा पुगेपछि यस वर्ष पनि १५/१६ घण्टासम्म लोडसेडिङको मार खेप्नुपर्ने संकेत देखिएको छ ।