यस सम्झौता अनुसार नेपाल टेलिकमले एकवर्षसम्म नेपाल प्रहरीको पुरुष तथा महिला फुटबल टिमको मुख्य प्रायोजकको रुपमा रहेर सहकार्य गर्नेछ । प्रायोजन वापत नेपाल टेलिकमले नेपाल प्रहरीको पुरुष फुटबल टिमलाई १६ लाख र र महिला फुटवल टिमलाई छ लाख गरी जम्मा २२ लाख रुपैयाँ उपलब्ध गराउने छ ।

यस्तै टेलिकमको होडिङ बोर्ड, व्यानर, वाल पेन्टिङ तथा विज्ञापनमा पुलिसका खेलाडीहरुलाई स्थान दिनेछ । विगत ३ वर्षदेखि नेपाल टेलिकमले नेपाल प्रहरीको पुरुष फुटबल टिमको प्रायोजन गर्दै आएकोमा यस वर्षदेखि महिला फुटवल टिमलाई समेत प्रायोजन गरेको छ ।

टेलिकमका प्रबन्ध निर्देशक अनुपरञ्जन भट्टराईले प्रहरी महानिरीक्षक अर्याललाई कम्पनीको लोगो अंकित जर्सी र फुटबल हस्तान्तरण गरे ।