आमा छोराको हत्यामा संलग्न अभियुक्त सार्वजनिक

आमा छोराको हत्यामा संलग्न अभियुक्तलाई प्रहरीले सोमबार सार्वजनिक गरेको
 छ । भारत बिहार राज्य मधुवनी जिल्लाको चरौत निवासी मिस्त्री ठेकदार दीपक
ठाकुरलाई प्रहरीले सार्वजनि क गरेको हो । २५ वर्षिय ठाकुर आइतबार बिहान
करिब दुई बजेतिर भेन्टिलेशनबाट घरमा प्रवेशगरि आमा छोराको हत्यागरि रुपैया
लुटेको प्रारम्भिक अनुसन्धानमा देखिएको छ ।
जनकपुर नगरपालिका वडा नम्बर ४ कटैया चौरीमा निर्माणाधिन रहेको घरमा आलम
साफीकी २७ वर्षिया श्रीमति मैतुन खातुन र ७ वर्षिय कान्छो छोरा अमिरुल
साफीको ठाकुरले हत्या गरेको प्रहरीको प्रारम्भिक अनुसन्धानमा देखिएको छ।प्रहरीका अनुसार रुपैया“ लुट्ने क्रममा उनले आमा छोराको हत्या गरेको छ ।
जिल्ला प्रहरी कार्यालय धनुषाले सोमबार पत्रकार सम्मेलनको आयोजना गरी
ठाकुरलाई सार्वजनिक गर्दै चिरपट्टको दाउरा (काठको फठ्ठा) ले टाउकोमा प्रहार
 गरेपछि मैतुनको मृत्यु भएको प्रहरीको भनाई थियो ।
प्रहरी उपरिक्षक उत्तमराज सुवेदीका अनुसार सात वर्षिय अमरुज साफीको घांटी डोरीले थिचेर हत्या गरिएको छ । पहिचान गरिसकेको र पक्राउ पर्न सक्ने खतराका कारण अमरुजको घांटी थिचेर
हत्या गरेको अनुसन्धानमा देखिएको प्रउ सुवेदीले थपे । तीन छोराछोरीकी आमा
मैतुन कान्छो छोरासहित सुतिरहेको थियो । मैतुनले एक लाख १२ हजार तीन सय ५०
रुपैया घरमा राखिराखेको देखेर ठाकुरले राति भेन्टिलेशनबाट घरमा प्रवेश गरी
आमा छोराको हत्या गरेर रुपैया लुटेको थियो ।
मृतक मैतुनका भाई रोशन साफीले शनिबार राति उक्त रकम पठाएका थिए । रकम
ठाकुरले देखेको थियो । रकम लुट्नको लागि उनी भ्रमरपुराचोक स्थित डेराबाट
राति १२ बजेपछि हिडेको अनुसन्धानमा देखिएको प्रउ सुवेदीले भने । मृतक
मैतुनको बलात्कार गरी हत्या नभएको प्रहरीले प्रष्टयाएको छ  ।टाउकोमा गंभिर
चोट लागेपछि उनको मृत्यु भएको पोष्टमार्टम रिपोर्टमा देखिएको छ । काठको काम
 गर्दै आएका अभियुक्त ठाकुरको ४१ वर्षिय बुवा त्रिवेणी ठाकुर राजमिस्त्री
सहित घर बनाउने ठेकदार समेत छन् ।

घटनाको केही घण्टा नबित्दै आइतबार दिउ“सो १२ बजेतिर जनकपुर बजारबाट
अभियुक्त ठाकुरलाई पक्राउ गरेको थियो । उनीसहित शंकाका आधारमा पक्राउ परेका
 अन्य व्यक्तिहरुलाई अनुसन्धानको क्रममा छाडिएको थियो । घटनास्थलबाट काठको
फठ्ठा थान एक, मृतकलाई घांटीमा बांध्न प्रयोग भएको डोरी, अभियुक्त प्रयोग
गर्ने मोबाइल थान एक, अभियुक्तले मृतकबाट लुटिलगेको मोबाइल थान एक, घटनाको
समयमा अभियुक्तले प्रयोग गरेको कपडा, मृतकको घरबाट लुटिएको रकम ठाकुरको
डेराको दराजमा रहेको गोप्य सेफबाट बरामद एक लाख १२ हजार ३५० नगद बरामद
गरिएको छ । जनताले शान्तिसुरक्षाको अनुभुति गरिरहेको बेला सदरमुकाममा भएको जघन्य
अपराधमा संलग्न अभियुक्तलाई पक्राउ गर्न प्रहरीले पूरा शक्ति केन्द्रित
गरेको थियो । विभिन्न टोली बनाएर खोजतलाश तीव्र पारेपछि प्रहरीे आइतबार
दिउसो अभियुक्तलाई पक्राउ गर्न सफल भएको थियो ।  मृतकका पति आलम साफी डेढ
वर्षदेखि कामका लागि विदेश बस्दै आएकाछन । मृतकका १२ वर्षिया छोरी मकिना
खातुन र ९ वर्षिय छोरा मुबारक साफी अर्को कोठामा सुतेकाले बा“चेको थियो । </div>

Labels: Local