राखेप अध्यक्ष युवा तथा खेलकुद मन्त्री रामकुमार श्रेष्ठले हलको बिहीबार शिलान्यास गरे । १ सय ४० फिट लम्बाइ र ४० फिट चौडाइको हलले कूल ५ हजार ६ सय वर्ग फिट क्षेत्रफल ओगट्नेछ ।

हलको अनुमानित लागत खर्च ७४ लाख, ३५ हजार २ सय ७९ रुपैयाँ -भ्याटसहित) रहेको राखेपअन्तर्गत पूर्वाधार, निर्माण तथा मर्मत शाखाका इन्जिनियर विश्वामित्र सन्ज्यालले जनाएका छन् ।

शिलान्यास भएको दिनदेखि ४० दिनमा दुई लेन हलको निर्माण कार्य पूरा हुनु पर्नेछ । निर्माण कार्यको जिम्मा जोरपाटीस्थित आर एन्ड सी बिल्डर्सले पाएको छ । सन् २०१४ मा हुने विश्वकप ट्वान्टी- २० क्रिकेट प्रतियोगिताका लागि छनोट हुन सफल नेपाली राष्ट्रिय क्रिकेट टोलीको तयारी तथा विशेषगरी वषर्ायाममा क्रिकेट टोलीले प्रशिक्षणमा भोग्नु पर्ने असहजस्थितिलाई सहज तुल्याउन हलको निर्माण गर्न लागिएको हो ।

शिलान्यासपछि मन्त्री श्रेष्ठले नेपाली खेलकुदको विकासका लागि धेरै पूर्वाधारको खाँचो रहेको बताउदै पूर्वाधार बनाउन सहयोगहरु अगाडि आएपनि जग्गा उपलब्ध हुन नसकेको बताए । मन्त्री श्रेष्ठले खेलकुदको विकासमा केहि गरौं भन्ने भावना सबैमा जागृत हुन आवश्यक रहेको धारणा व्यक्त गरे ।

राखेप सदस्य-सचिव युवराज लामाले सरकारको निर्देशन अनुसार छोटो समयमा हल निर्माणको कार्य थालनी गर्न सफल भएको बताउदै निर्माण कार्य पूरा भएपछि वषर्ायाममा पनि प्रशिक्षण गर्न सहज हुने बताए ।