ए डिभिजन लिग फुटबलमा आर्मीद्वारा संकटा पराजित
शहिद स्मारक ए डिभिजन लिग फुटबलमा नेपाल आर्मी क्लबले लगातार दोस्रो जित हात पारेको छ । शुक्रवार त्रिपुरेश्वरस्थित दशरथ रंगशालामा भएको लिगको आफ्नो दोस्रो खेलमा आर्मीले संकटा क्लबलाई १-० गोल अन्तरले पराजित गर्दै लिगमा लगातार दोस्रो जित हात पारेको हो ।
खेलको ४२ औँ मिनेटमा आर्मीका स्ट्राइकार भरत खवासलाई संकटाका खेलाडीले फउल गरेपछि आर्मीले पेनाल्टी पायो । पेनाल्टीमा आर्मीका जितेन्द्र कार्की चुकेनन् र आर्मीलाई सुरुवाती अग्रता दिलाए । निकै प्रतिस्पर्धात्मक खेलमा संकटाले पनि खेलको ६४ औँ मिनेटमा पेनाल्टी पायो । तर पेनाल्टीमा अफि्रकन खेलाडी ओलाओले चुकेपछि खेल आर्मीले एक सुन्यले नै जित्यो ।
खेलमा दुवै टोलीले गोल गर्ने केही मौका पाएपनि सदुपयोग गर्न सकेनन् । पहिलो खेलमा मच्छिन्द्रसंग अंक बाँडेको संकटाको यो लिगमा पहिलो पराजय हो भने आर्मीको लगातार दोस्रो जित हो ।
0 comments
Write Down Your Responses