यो कमेडी चलचित्र ‘छ एकान छ’ ले देशभरका करिब ७० वटा हलबाट कमाएको ग्रस कलेक्शन हो । शुक्रबार र शनिबार आक्रामक व्यापार गरेको यो सिनेमाले आइतबार र सोमबार भने चर्को कमाई गरेन । शुक्रबार देशभरबाट सिनेमाको कमाइ १८ लाख छ । यस्तै शनिबार निक्कै लोभलाग्दो व्यापार गर्दै ‘छ एकान छ‘ ले ३० लाख कमाएको छ । दुई दिनमा ४८ लाख कमाएको सिनेमाले आइतबार र सोमबार ओपनिङ डेको जत्तिको व्यापार पनि गर्न सकेन ।

यो सिनेमाले आइतबार र सोमबार १७ लाखको व्यापार गर्दै ४ दिनमा ६५ लाखको ग्रस कलेक्शन गरेको छ । सोमबार उपत्यका बाहिर सिनेमाको व्यापार केही कमजोर देखिएको छ । सोमबार सिनेमाले मोफसलका हलमा २ लाख ८८ हजारको व्यापार गरेको छ । यसरी हेर्दा ‘छ एकान छ’ले काठमाण्डौका मल्टिप्लेक्सको महंगो टिकटको फाइदा उठाएको देखिन्छ ।

वुधबार सार्वजनिक बिदा परेकाले पनि देशभरबाट नै यसको व्यापार उकासिने विश्वास गरिएको छ । सिनेमाले एक सातामा ८० लाख ग्रस कलेक्शन गर्ने छनक देखाएको छ । यदि सिनेमाले एक सातामा ८० लाखको व्यापार गरेको खण्डमा निर्माताको हातमा ३० देखि ३२ लाख पर्नेछ । निर्माणपक्षले ५० लाख लागेको बताउँदै आएको यो सिनेमालाई नेपालबाट मात्र लगानी उठान दोश्रो सातामा राम्रै कमाइ गर्नुपर्ने हुन्छ ।

तर ‘छ एकान छ’ ले निर्माताको गोजीमा सबै ओभरसिज कमाइ भने राखिदिने छ । यो बर्ष प्रदर्शनमा आएका सफल र निर्माता बचाउँने सिनेमाको सूचिमा ‘छ एकान छ’ पनि पर्ने लगभग निश्चित छ ।

देशभरका अन्य स्टेशन भन्दा पूर्वमा राम्रो प्रतिक्रिया आएपछि चलचित्र ‘बितेका पल’का निर्माता राजेश घतानी कलाकार बोकेर त्यता लागेका छन् । नायिका केकी अधिकारी, नायक बाबु बोगटीका साथमा उनी पूर्व लागेका हुन् । सिनेमाका कलाकारले दर्शकसँगै बसेर सिनेमा हेर्नेछन् । वुधबार बिदाको दिन चलचित्रका कलाकारले विर्तामोडको अन्नपूर्ण टाकिज, दमकको दमक चित्र मन्दिर र धरानको गणेश टाकिजमा दर्शकसँगै सिनेमा हेर्नेछन् । दर्शकसँग सिनेमा हेर्न नव कलाकार अभिनाश गुरुङ पनि सहभागी हुनेछन् । पूर्वमा राम्रो व्यापार गरिरहेको यो सिनेमाले कलाकारको साथ पाउने भएपछि झनै गतिलो कलेक्शन गर्ने आशा गरिएको छ ।